Галоўная старонка Навіны Пра праект Кантакт Спасылкі Кнігі ў PDF/DJVU Канвэртар лацінкі Бібліяграфія
Шукаць:    
 
 толькі ў назьве   шукаць ва ўсіх    віртуальная клявіятура Уставіць беларускае "і" Уставіць у-кароткае (ў)
 
 
 

халадаць // халадзець // халадзіць / халаднець

Халадаць.
1. безас. Станавіцца больш халодным (пра надвор'е).
Даўно быў ужо вечар. Распагоджвалася. Халадала. К.Чорны.
2. Разм. Пакутаваць ад холаду; мерзнуць.
Бабкі, прабабкі ішлі пехатой, ішлі месяцамі да Лаўры святой. Давалі зарок. Халадалі, пасцілі, каб іх ацанілі, грахі адпусцілі. Р.Барадулін.

Халадзець.
1. Станавіцца халодным, халаднейшым; халаднець.
Замірае лета, заціхаюць далі, сірацее рэчка, халадзеюць хвалі. Я.Колас.
2. Адчуваць холад; мерзнуць.
Ліў дождж, але Марусаў ужо не звяртаў увагі: пінжак быў мокры, халадзела спіна, чвякала вада ў чаравіках. М.Стральцоў.
3. Адчуваць холад ад моцнага хвалявання, страху і г.д.
Ігнатовіч халадзеў ад думкі, што Карначова ўпартасць, яго пратэст супроць пабудовы камбіната ў Белым Беразе можа прывесці да таго, што такі выгадны ва ўсіх адносінах аб'ект перададуць іншаму гораду. І.Шамякін.

Халадзіць. каго-што. Рабіць больш халодным; ахалоджваць, астуджваць.
Вільготная трава, да якой не даходзілі промні сонца, халадзіла ногі. Л.Дайнека.

Халаднець. Станавіцца халодным, халаднейшым; халадзець.
Хмары закрывалі неба, халаднеў вецер, вішчэў, залятаючы ў гнёзды стрыжоў, што густа ляпіліся на рачных стромах. Л.Дайнека.

Слоўнік паронімаў беларускай мовы   Слоўнік паронімаў беларускай мовы
Галоўная старонка   Галоўная старонка
Даслаць ліст адміністратару Заўважылі недакладнасьць?
Паведаміце нам!
    (с) Электронная Энцыкляпэдыя, 2003-2020