Мапасан Гі дэ (Maupassant Guy de; 1850-1893), нарадзіўся 05.08.1850 года ў Мірамнілі (Нармандыя) у сям'і нашчадка старога збяднелага дваранскага роду; яго бацька ў гэты час працаваў падаткавым інспектарам. Гі дэ Мапасан вучыўся ў духоўнай семінарыі горада Івэто, пасля - у Руанскім ліцэі. У час французска-прускай вайны знаходзіўся ў войску. Кароткую прозу пачаў пісаць у 70-х гадах; пасля апублікавання «Пампушкі» (1880) цалкам пераключыўся на літаратурную дзейнасць: да канца свайго нядоўгага жыцця ён напісаў шэсць раманаў, каля трохсот навел, некалькі п'ес, дарожных дзённікаў. Шырокую вядомасць атрымалі раманы Мапасана «Жыццё» (1883), «Бэль-Амі» («Пане Каханку», 1885), «Монт-Арыёль» (1887), «П'ер і Жан» (1888), «Наша сэрца» (1890), зборнікі навел «Дом Тэлье» (1881), «Мадэмуазэль Фіфі» (1883), «Міс Гэрыет» (1884), «Сёстры Рандалі» (1884), «Івэта» (1884), «Казкі дня і ночы» (1885), «Туан» (1886), «Маленькая Рок» (1886), «З левай рукі» (1889), «Бескарысная прыгажосць» (1890) і іншыя.

З сярэдзіны васьмідзесятых гадоў Мапасан шмат хварэў, а ў канцы 1891 года дайшоў да стану вар'яцтва.

Памёр 07.07.1893 года ў Пасі.

Сярод перакладчыкаў твораў Гі дэ Мапасана на беларускую мову - Н.Мацяш, С.Шупа, С.Мурашка, А.Істомін, З.Колас, А.Якімовіч.

Крыніца: Хрэстаматыя па літаратуры народаў свету. Менск, 1995. Выбраныя творы Гі дэ Мапасана на Беларускай Палічцы

Паведаміць пра недакладнасьць