Галоўная старонка Навіны Пра праект Кантакт Спасылкі Кнігі ў PDF/DJVU Канвэртар лацінкі Бібліяграфія
Шукаць:    
 
 толькі ў назьве   шукаць ва ўсіх    віртуальная клявіятура Уставіць беларускае "і" Уставіць у-кароткае (ў)
 
 
 

паводле, прыназ. з Р. Спалучэнне з паводле выражае аб'ектныя адносіны: ужываецца са значэннем 'у адпаведнасці з чым-н.', 'згодна з якімі-н. прызнакамі'. Алагізм... - нелагічнасць, адмаўленне логікі, а таксама погляд, паводле якога ісціну пазнаюць быццам бы не шляхам лагічнага мыслення, а толькі пры дапамозе інтуіцыі і адкрыцця яе богам (БелСЭ). Класці ж сур'ёзных хворых у палаты і займацца з імі паводле правілаў навукі таксама нельга, бо правілы ёсць, а навукі няма; калі ж адкінуць філасофію і педантычна рабіць паводле правілаў, як іншыя лекары, то для гэтага, перш за ўсё, патрэбны чыстата і вентыляцыя, а не бруд, здаровая ежа, а не смярдзючая кіслая капуста, і добрыя памочнікі, а не зладзеі (К.Крапіва). На кінастудыі «Ленфільм» кінарэжысёр Анатоль Гранік паставіў паводле гэтага рамана [«На диком бреге» Б.Палявога] шырокаэкранную двухсерыйную карціну... («На экранах Беларусі»). Гаварыў ён [Туравец] непаслядоўна, паводле таго, як успамінаў, але гэта не змяншала ўражання ад загада (І.Мележ). Паводле падлікаў Мацвеенкі выходзіць, што беларуская мова ўжо напалову, а можа і больш чым напалову, з'яўляецца мовай інтэрнацыянальнай (К.Крапіва). Нізкія, паводле даўжыні сваёй, будынкі стаялі паабапал двара (К.Чорны).

Тлумачальны слоўнік прыназоўнікаў   Тлумачальны слоўнік прыназоўнікаў
Галоўная старонка   Галоўная старонка
Даслаць ліст адміністратару Заўважылі недакладнасьць?
Паведаміце нам!
    (с) Электронная Энцыкляпэдыя, 2003-2018