Галоўная старонка Навіны Пра праект Кантакт Спасылкі Кнігі ў PDF/DJVU Канвэртар лацінкі Бібліяграфія
Шукаць:    
 
 толькі ў назьве   шукаць ва ўсіх    віртуальная клявіятура Уставіць беларускае "і" Уставіць у-кароткае (ў)
 
 
 

Жук Павал (1956, Баранавічы), выдавец беларускага незалежнага друку.

Ж. скончыў факультэт фізыкі БДУ, некалькі год адпрацаваў у Акадэміі Навук БССР.

У 1989 уваходзіў у выдавецкую групу часопіса «Літаратура», які заснавалі Сяргей Дубавец і Алесь Бяляцкі. Потым Ж. браў удзел у выданьні «Навінаў БНФ» у 1989. У сакавіку 1990 разам з С.Дубаўцом і А.Гурковым выдаў «Дзень Волі - 90», прымеркаваны да 72-х угодкаў стварэньня Беларускай Народнай Рэспублікі. «Дзень Волі» стаў пралёгам газэты «Свабода», першы нумар якой пабачыў сьвет у красавіку 1990. У красавіку 1991 Ж. стаў заснавальнікам газэты «Наша Ніва», што пачала выходзіць зь ініцыятывы і пад рэдакцыяй Сяргея Дубаўца.

Газэту «Свабода» Ж. выдаваў да лістапада 1997, пакуль газэта не была зачыненая пасьля неаднаразовых папярэджаньняў за публікацыю крытычных да палітыкі прэзыдэнта Лукашэнкі артыкулаў. Нягледзячы на закрыцьцё газэты, яна працягвала даходзіць да чытача празь Інтэрнэт. У студзені 1998 газэта адрадзілася пад назвай «Навіны», выдаўцом зноў стаў Ж.

Бібл.: 1. Навіны. 1999, № 1; 2. Пазацэнзурны пэрыядычны друк Беларусі (1971-1990). Каталёг. - Менск., 1998.

Алег Гардзіенка

Дэмакратычная апазыцыя Беларусі (1956-1991). Даведнік   Дэмакратычная апазыцыя Беларусі (1956-1991). Даведнік
Галоўная старонка   Галоўная старонка
Даслаць ліст адміністратару Заўважылі недакладнасьць?
Паведаміце нам!
    (с) Электронная Энцыкляпэдыя, 2003-2019