Псіхолагі лічаць, што ў аснове даверу ляжаць разуменне і веданне іншых людзей. Здольнасць праяўляць давер у розных людзей неаднолькавая. Упэўнены ў сабе чалавек здольны больш лаяльна ставіцца да іншых людзей, найперш заўважаць у іх дадатныя рысы, а не недахопы. Шлях да даверу ляжыць і праз удасканаленне самога сябе. Давер адыгрывае важную ролю ў выхаванні чалавека. Калі чалавеку даручаюць адказную справу і пры гэтым ставяцца да яго як да роўнага, хоць ён яшчэ не па ўсіх параметрах адпавядае гэтаму, то давер становіцца моцным стымулам для развіцця, ён акрыляе. Таму давер і недавер - моцныя стымулятары чалавечых паводзін, з якімі неабходна абыходзіцца асцярожна і на індывідуальным, і на грамадскім узроўні.
Паведаміць пра недакладнасьць