Цеплаэлектрацэнтраль (ЦЭЦ), цеплавая электрастанцыя, якая адначасова выпрацоўвае электраэнергію і цяпло (гарачую ваду і пару). Будуецца, як правіла, каля прамысловых і камунальных спажыўцоў цяпла. Найбольш пашыраны ЦЭЦ з цеплафікацыйнымі турбінамі (камбінавана выпрацоўваюць цяпло і электраэнергію) і парагенератарамі. У Беларусі самая буйная Менская ЦЭЦ-4.