Галоўная старонка Навіны Пра праект Кантакт Спасылкі Кнігі ў PDF/DJVU Канвэртар лацінкі Бібліяграфія
Шукаць:    
 
 толькі ў назьве   шукаць ва ўсіх    віртуальная клявіятура Уставіць беларускае "і" Уставіць у-кароткае (ў)
 
 
 

Зарэцкі Міхась (сапр. Касянкоў Міхаіл), нарадзіўся 20 лістапада 1901 г. у сяле Высокі Гарадзец Талачынскага раёна Віцебскай вобласці ў сям'і вясковага дзяка. Дзяцінства будучага пісьменніка прайшло ў вёсцы Зарэчча пад Шкловам (адсюль і псеўданім).

М.Зарэцкі скончыў Аршанскую духоўную навучальню, вучыўся ў Магілеўскай духоўнай семінарыі. Служыў перапісчыкам у паўвайсковай часці, некаторы час настаўнічаў на Магілеўшчыне, узначальваў Шклоўскі валасны аддзел народнай асветы. У 1920-1927 гг. - палітработнік Чырвонай Арміі. Адзін з арганізатараў літаратурнага аб'яднання «Маладняк», пасля ўваходзіў у літаратурнае аб'яднанне «Полымя».

Літаратурную дзейнасць пачаў у 1922 г., надрукаваўшы ў «Савецкай Беларусі» апавяданні «Ці ж так?», «Спатканне» і «Цішка Бабыль».

У 1925 г. выйшлі зборнікі апавяданняў «У віры жыцця» і «Пела вясна», у 1926 г. - зборнік «Пад сонцам». Апавяданні ранняга перыяду вылучаюцца глыбокай змястоўнасцю, напружанасцю сюжэта, увагай да ўнутранага свету герояў, іх пачуццяў і перажыванняў.

У 1926 г. Міхась Зарэцкі надрукаваў сваю першую аповесць «Голы звер», у 1927 г. - раман «Сцежкі-дарожкі», а ў 1932 г. - раман «Вязьмо».

Маральна-этычным праблемам прысвечаны п'есы пісьменніка «Віхор на балоце» (1928) і «Белыя ружы» (1928-1929). Выступаў у друку і як крытык.

М.Зарэцкі пераклаў на беларускую мову «Цэмент» Ф.Гладкова і «Прыгоды ўдалага ваякі Швейка ў сусветную вайну» Я.Гашака.

3 кастрычніка 1936 г. быў арыштаваны, 29 кастрычніка 1937 г. расстраляны. Рэабілітаваны ў 1957 г.

У 1957 г. выйшаў зборнік выбраных апавяданняў «Пачатак шчасця», у 1989-1991 гг. - Збор твораў у 4 тамах.

Крыніца: Міхась Зарэцкі. Кветка пажоўклая. Менск, Мастацкая літаратура, 2002.

Рознае   Рознае
Галоўная старонка   Галоўная старонка
Даслаць ліст адміністратару Заўважылі недакладнасьць?
Паведаміце нам!
    (с) Электронная Энцыкляпэдыя, 2003-2020