п'яніца
націскаць як п'яніца на закуску. Мін. Няўхв. Пра чалавека, які шмат і без патрэбы есць. Высл., 354.
нудзіцца як п'яніца бэз чаркі, а курэц бэз люлькі. Рэч. Пра чалавека, якому надта нечага не хапае, да нечага цягне. Пяткевіч, 554.
прычапіцца як п'яніца да бутэлькі. Асудж. Пра настойлівае чаплянне да нечага. Янкоўскі 1971, 42.
рад як п'яніца чарцы. Няўхв. Пра нейчую шчырую радасць. Янк., Пар., 136.
цягнуць як п'яніцу да гарэлкі. Ваўк. п. Насмешл. Пра чалавека, якога моцна цягне да нечага, некага. Federowski, 57.

Паведаміць пра недакладнасьць