-
121
Сьмерць у зубы ні глядзіць. — Прыказваюць пры сьмерці маладой асобы.
-
122
Сьмешна, алі ні цацешна. — Калі здарэньне й сьмешнае, але нам на шкоду.
-
123
Сьмяецца, як зялезца знашоўшы. — Сьмяецца дурным сьмехам.
-
124
Сьпераду цалуя, а ззаду кусая. — Калі нехта ў вочы падхлебліваецца, прыдобрываецца, а за вочы зводы робе, удае некаму.
-
125
Сьсінеў, як курыны пуп. — Аб тым, хто ад холаду зьмяніўся ў твары.
-
126
Сьціражонага й Бог сьціражэ. — Гэтак перасьцерагаюць сваіх дзяцей, каб былі асьцярожнымі.
-
127
Сэрца ні камінь. — Жартуюць, калі скупы нейкую дробязь падарыў беднаму.
-
128
Сягоньня абы як, а заўтра бліны. — Калі нехта цеша абяцанкамі.
-
129
Сяджу, як на жары. — Прыказвае той, хто цярпіць незаслужаны сорам.
-
130
Сядзеў рускі месіц. — Калі нехта нейдзе доўга быў.
-
131
Сядзіць, як куцьця. — Сядзіць паважна, непарушна, спакойна.
-
132
Сядзь, няхай не вісяць. — Брахлівыя жанчыны запрашаюць мужчыну сесьці.
-
133
Сядзь у нас, дома госьць будзіш. — Жартуюць, калі сусед прыйдзе да суседа пагаварыць ды не сядае.
-
134
Сяло біз канца ні бывая. — Гэтак разважаюць таго, каму даводзіцца апошняе з канца месца.
-
135
Сяло пірабег, дык болі ў мех. — У простым сэньсе гэта тарнуецца да старца. Жартам кажа той, каму трэба ў вёсцы ў кажную хату заходзіць.
-
136
Сярэдзіна колам стала. — Гэтак кажа жняя ці іншая работніца, ці работнік, калі даводзіцца цэлы дзень стаяць сагнуўшыся й тады ўвечары сярэдзіна ня хоча адгінацца, сталася сагнёная, як кола.
На запыт знайшлося 136 артыкулаў
Паведаміць пра недакладнасьць