палажыць
сядзець рукі злажыўшы, як апошняе ў гаршчок палажыўшы. Гл. апошняе.
Баба што мяшок - што паложыш, то нясець. Гл. мяшок.

палазы
ногі як палазы. Ашм. Насмешл. Пра крываногага чалавека. СПЗБ 2, 539.

паламаны
як паламаная мельніца. Гл. мельніца.

паламаць
крычаць як ногі паламаўшы. Гл. нага.

паласкаць
зьбіраецца як сьвёкар пялёнкі паласкаць. Гл. свёкар.

палатно
бачыць як праз палатно. Стаўб. Няўхв. Пра чалавека, што дрэнна бачыць, мае слабы зрок. МК, 26.
белы як палатно. Ваўк. п., Краснап., Гродз., Івац. Пра вельмі збялелага чалавека (са страху, у хваробе і інш.). Federowski, 30; Бялькевіч, 256; СПЗБ 2, 335; ЗЗайкі.
збялець як палатно. Ваўк. п., Івац. Спачув. Пра вельмі збялелага чалавека (са страху, у хваробе і інш.). Federowski, 373; ЗЗайкі.
помніць як праз палатно. Дзятл. Няўхв. Пра недакладнае запамінанне чаго-н. ФА.
як праз палатно хто з кім. Калінк. Няўхв. Пра людзей у сварцы, якія не хочуць кантактаваць. ДА.
не бачу, усё роўна як палатном завешаны. Слон. п. Няўхв. Пра слабы зрок, наступленне слепаты ў кагосьці. Federowski, 15.
бледны ек полотно. Жытк. ТС 1, 61. Тое, што белы як палатно.

палац
як цаца ў палацы. Гл. цаца.

палаш
гостры як палаш. 1. Ухв. Пра нешта вельмі вострае. 2. Няўхв. Пра запальчывы характар чалавека, яго паводзіны. Federowski, 113.

палена
глухі як палена. Слуцк. Няўхв. Пра глухога чалавека. Сержпутоўскі 1999, 186.
ісці на дно як палена. Пра нешта, некага, што тут жа патанаюць, ідуць на дно. ФСБМ 1, 468.
качацца як палена. Мсцісл. Няўхв. Пра лянівага чалавека. Юрчанка, 193.
лысы як палена. Віл. Насмешл. Пра зусім лысага чалавека. СПЗБ 2, 697.
ляжаць як палена. Лаг. Няўхв. Пра лянівага чалавека. Varłyha, 170.
як палена. Мсцісл. Няўхв. Пра дурнаватага чалавека. Юрчанка, 193.
ек поленом кінуць. Жытк. Пра досыць невялікую адлегласць, блізкую мэту. ТС 4, 140.

палескі
кішэнь як у палескага злодзея. Гл. злодзей.
рукі як у палескага злодзея. Гл. злодзей.

Палестына
як Фэлька з Палестыны. Гл. Фэлька.

палец
адзін як палец (перст). Івац., Слуцк., Стаўб., Мёр., Слон., Мсцісл., Віл. Пра самотнага чалавека, аднаго сына ў бацькоў. Сержпутоўскі 1999, 6; МК, 19-20; Нар. слов., 103; Высл., 281; Добр., 106; Юрчанка 1972, 27; Янк., Пар., 42; СПЗБ 3, 357; ТС 4, 6; ЗЗайкі.
адзін як палец медзены. Слон. Пра самотнага чалавека, аднаго сына ў бацькоў. ДА.
голы як палец. Астр. Няўхв. Пра вельмі беднага чалавека. Даніловіч, 240.
Век звекаваць - не пальцам паківаць. Прык. Пра цяжкасці на жыццёвым шляху. Federowski, 331.
Век перажыць - не поле перайціць, не пальцам пераківаць. Гл. поле.
наесціся як пальцам дастаць. Рэч. Насмешл. Пра чалавека, які напоўніўся ежай аж па горла (моцна наеўся). Pietkiewicz, 372.
папасці як пальцам у капусту. Карэл. Насмешл. Пра чалавека, што выказаў нешта агульнавядомае, банальнае. Высл., 361.
трапіць (папасці) як пальцам у неба. Уздз., Слуцк., Івац. Насмешл. Пра чалавека, што выказаў нешта агульнавядомае, відавочнае, банальнае. Высл., 400; Янк., 432; ФА; ЗЗайкі.
вырабіць зямлю як пальцамі перамацаць. Ухв. Пра вялікі догляд глебы. Янк., Пар., 30.
знаць як свае пяць пальцаў. Івац. Ухв. Пра дакладнае, добрае веданне чаго-н. Янкоўскі, 97; ЗЗайкі.
зрабіць што як два пальцы аб асвальт. Карэл. Жарт. Пра лёгкае, без намаганняў выкананне працы. Даніловіч 2008, 139.
як на пальцы спекчы. Барыс. Няўхв. Пра вельмі малую колькасць нечага. ФА.

паліць
вецер зімні проста як агнём паліць. Гл. агонь.

палка
піла тупа як палка. Мсцісл. Няўхв. Пра тупую пілу. Высл., 365.
трэба як сабаццы палка. Гл. сабачка.
худы як палка. Люб. Няўхв. Пра худога, непрывабнага чалавека. БД, 146.
як палка дроў [дурны]. Мсцісл. Насмешл. Пра дурнога, просталінейнага чалавека. Юрчанка 1977, 51.
віляць як сабака хвастом паміж палкай і кустом (паміж палкай і кавалкам). Гл. сабака.
як палкай па галаве стукнуць. Мін. Пра чалавека, якога нечым моцна ўразілі, здзівілі. ЛЦ, 62.
ляжаць як палкі. Віц. Пра моцна стомленых людзей, што ляжаць без руху. Высл., 429.
прыліп як до палкі Пыліп. Бяроз., Люб. Насмешл. Пра прыставучага, надакучлівага чалавека. АВНЛ; ФА.
ударить як с палки звалить. Смал. п. Пра моцны ўдар па кім-н. Добр., Смол., 652.
хто без каго як сляпы без палкі. Гл. сляпы.
як з-пад палкі. Стаўб. Няўхв. Пра чалавека (людзей), што робіць павольна, нехаця, пад прымусам. МК, 311.
глядзець як сабака на палку. Гл. сабака.
жалець як сабака палку. Гл. сабака.
любіць як сабака палку. Гл. сабака.
рад як сабака палцы. Гл. сабака.
тырчаць (сядзець, круціцца) як сарока (варона) на палцы (калу). Гл. сарока.

палова
мовы як половы ў каго. Жабін. Няўхв. Пра чалавека, які шмат гаворыць. Ганчук, Касцючык, 85. ≺ Палова - мякіна.

паломак
хадзіць як паломак. Карм. Няўхв. Пра чалавека, які выглядае як зламаная рэч, непрыдатная, непатрэбная. МК, 296.

палонка
круціцца як трэска ў палонцы. Гл. трэска.

Палтава
замёрзнуць як швед пад Палтавай. Гл. швед.
прапасці як швед пад Палтаваю. Гл. швед.

палын
горкі (горка) як палын. Ваўк. п., Сен., Івац. Няўхв. 1. Пра нешта вельмі горкае. 2. Пра няпростае бядотнае жыццё чалавека. Federowski, 112; Каспяровіч, 226; Сцяшковіч, 406; Янк., 403; ЗЗайкі.
жывучы як палын. Ухв. Пра чалавека, што выжывае ў цяжкіх умовах. Янкоўскі, 112.
застацца як палын пры дарозе. Гом. Спачув. Пра самотнага адзінокага чалавека. Горленка, 251.

пальчык
малы як пальчык. Памянш. Мсцісл. Пра нізкарослага хлопчыка. Юрчанка, 193.