свадзьба
скрэбсці галаву як перад свадзьбаю. Мсцісл. Кплів. Пра нейчы роздум перад сур'ёзнай справай. Юрчанка 1977, 217.
нарадзіцца як к свадзьбе лошадзь. Нясв. Кплів. Пра чалавека, прыбранага як на свята. ФА.

сват
гонару як у багатага свата. Насмешл. Пра вельмі ганарлівага чалавека. Янк., Пар. 43.

сваты
прыбрацца як кот у сваты. Гл. кот.

сваха
як сваха пераезная. Рэч. Насмешл. Пра чалавека, які пастаянна мяняе месца прыстанішча. ЛЦ, 32.

свацця
Шчасце як трасца, пераходная свацця. Гл. трасца.

сваяк
Сыр не закуска, кум не сваяк. Гл. закуска.
сядзець як бедны сваяк. Брэсц. Насмешл. Пра чалавека, які ціха і сціпла сябе трымае. ЛЦ, 45.

свекруха, гл. свякруха

свенты
баяцца як свенты Міхал д'ябла. Гл. Міхал.

свердзел
лезці як свердзел. Мсцісл. Няўхв. Пра чалавека, які настырна некуды імкнецца. Юрчанка, 197.
круціць [па касцях] як свердлам. Ваўк. п. Спачув. Пра рэжучы боль у касцях. Federowski, 150.

свет
вялікі як свет. Пра нешта вялікае, бясконцае. Янк., Пар., 32.
пайсці як свет велькі. Маст. Пра адпраўленне далёка і невядома куды. Даніловіч, 246.
праваліцца як на той свет. Карэл. Пра бясследнае знікненне некага. Высл., 367.
рад як на свет нарадзіўся. Пра шчырую радасць каго-н. Янк., Пар., 136.
старая як свет. Ваўк. п., Пруж. Пра вядомую казку, ісціну, сітуацыю. Federowski, 291; ФА.
як другі раз на свет нарадзіўся. Рэч. Ухв. Пра чалавека, які паздаравеў, адпачыў, паправіўся. Pietkiewicz, 389.
як нанава на свет нарадзіўся. Мсцісл., Лях. Ухв. Юрчанка 1977, 216. Тое ж.
як свет велькі. 1. Шчуч. Пра нешта ў найвышэйшай ступені праяўлення. 2. Навагр. Пра нешта вельмі моцнае ў сваім праяўленні, незвычайнае. Даніловіч, 246.
бледны як з таго свету ўстаў. Няўхв. Спачув. Пра чалавека, які мае вельмі хваравіты выгляд. Ройзензон, 68.
матыляцца як мухі ля свету. Гл. муха.
на сэрцы як са свету сходзячы. Спачув. Пра чалавека, у якога туга, маркота на душы. Янк., 416.
радзенькі як з таго свету вярнуўся. Пра шчырую радасць некага. Янк., Пар., 137.
як здань з таго свету. Гл. здань.
як з таго свету. Калінк. Спачув. СПЗБ 5, 103. Тое, што бледны як з таго свету ўстаў.
як з таго свету вярнуўся. Івац. ЗЗайкі. Тое ж.
як з таго свету ўстаў. Ваўк. п. Спачув. Federowski, 322. Тое ж.
як не з гэтага свету. Спачув. Санько, 211. Тое ж.
хадзіць як белый сьвет пыціряўшы. Мсцісл. Няўхв. Пра разгубленага, забедаванага, паніклага чалавека. Юрчанка 1993, 177.
рассыпацца як рудыя мышы па свеце. Гл. мыш.
(ісці, ехаць) як з-за світу. Жабін. Пра надта доўгае чаканне кагосьці, хто марудна ідзе або едзе. Ганчук, Касцючык, 85.

светач
вымазацца як светач. Валож. Няўхв. Пра чалавека бруднага, закопчанага, мурзатага. СПЗБ 4, 389. ≺ Светач - лучнік.

свечачка
гарэць як свечачкі. Памянш.-ласк. Краснап. Ухв. Пра нейчы яскравы прыемны бляск. Бялькевіч, 213.

свечка
дагараць (згасаць) як свечка. Ваўк. п., Слон. Спачув. Пра ціхае згасанне хворага. Federowski, 353, 307; Высл., 310; Янк., 409; НН 1911, 42.
жоўты як свечка перад Вялікаднем. Няўхв. Пра чалавека, скура якога пры хваробе набыла жоўтае адценне. Янкоўскі 1971, 110.
пажыць як свечка. Пра нечае кароткае жыццё. Янк., Пар., 122.
полом'е пошло роўненько як свечка. Жытк. Пра спакойнае гарэнне, ціхае полымя. ТС 4, 149.
просты як свечка. Ваўк. п. Пра нешта простае, без хітрасцей, усім добра вядомае. Federowski, 247.
стаяць як свечка. Мсцісл. Пра некага, нешта, што нерухома стаяць. Юрчанка, 197, МК, 37; Бялькевіч, 116.
у воўкоў очы ек свечкі. Жытк. Пра вочы ваўка, што ўначы здалёк бачныя як аганькі свечак. ТС 5, 19.

свёкар
загрымець як свёкар [якей]. Мсцісл. Пра чалавека, што накінуўся на каго-н. з лаянкай, крыкам. Юрчанка 1977, 158.
зьбірацца як сьвёкар пялёнкі паласкаць. Ушацк. Здзекл. Пра неахвотнае, павольнае збіранне нешта рабіць. Барадулін, 98.
ладзіцца ўсё роўна як сьвёкыр пялёнкі мыць. Насмешл. Романов 1901, 68. Тое ж.
як свёкар бурклівы пурхаць. Мсцісл. Няўхв. Пра чалавека, які незадаволена бурчыць. Юрчанка 1969, 52. ≺ Пурхаць - вельмі злосна, адрывіста бурчаць.
хочацца як свёкру пялёнкі мыць. Іран. Насмешл. Пра адсутнасць жадання што-н. рабіць. Янк., 417.

свінарнік
як у свінарніку дзе. Мсцісл. Асудж. 1. Пра бруд і непарадак у хаце. 2. Пра моцны шум і крык у хаце. Юрчанка, 201.

свінечнік
брудна як у свінечніку. Шчуч., Гродз., Маст., Смарг. Асудж. Пра памяшканне, якое вельмі забруджана. Сцяшковіч, 620.
смурод як у свінечніку. Няўхв. Пра непрыемны пах дзе-н., смурод. Высл., 386.

свінка
вішчаць ек свінка ў плоце. Жытк. Няўхв. Пра нечый візглівы крык. ТС 1, 129.
Учыў Мацюсь Марцінка, а сам глупэй як свінка. Маладз. Прык. Жарт. Пра тое, што невучоны вучыў іншага невука. ФА.

свінны
як з свіннога гнязда. Гл. гняздо.
як свінное гняздо. Гл. гняздо.
як у свінным гняздзе. Гл. гняздо.
згорбіца (сагнуцца) як свінны татко. Гл. татко.
зморшчыцца як свінны тата. Гл. тата.
гразны як свіная ражка. Гл. ражка.
згарнуцца як свіны тато. Гл. тата.
белае як свіное цела. Гл. цела.
посынів як свынячый тато. Гл. тата.

свіння
патрэбны як сьвіне кульбачка. Шчуч., Навагр. Іран. Даніловіч, 247. Тое, што нада як свінне рубанак. ≺ Кульбачка - падсядзёлак.
у пасцелі так як сем свіней апарасілася. Ваўк. п. Няўхв. Пра непрыбранасць, скамечанасць пасцелі. Federowski, 224.
цягацца як барана за свіннею. Гл. барана.
гаварыць як гусь з свіннёю (з парэсем). Гл. гусь.
вочы як у свінні. Няўхв. Пра нечыя непрыгожыя вочы. Янк., Пар., 28.
вялікія вушы як у свінні. Сміл. Няўхв. Пра нечыя вялікія вушы. Шатэрнік, 50.
гонару што ў свінні блох. Мядз. Насмешл. Пра чалавека, які беспадстаўна ганарыцца, задаецца. Высл., 307.
грошы плодныя бы свінні. Слуцк. Пра здатнасць грошай быць заробленымі ізноў. Сержпутоўскі 1999, 42.
дабра з каго як ад свінні пуху. Лельч. Іран. Пра тое, што ад кагосьці нельга чакаць дабра, не можа быць там дабра. Высл., 310.
жыць як на свінні праехаць. Гом., Івац. Леп. З горыччу, расчаравальна. Пра нецікавае, невясёлае, цяжкае жыццё. АВНЛ; Гілевіч, 166; ЗЗайкі.
з каго работнік як з свінні музыкант. Брасл. Іран. Пра неадпаведнасць кагосьці пэўнай пасадзе, рабоце. Рабкевіч, 74.
ісці (пасаваць, падыходзіць, прыстаць) як свінні набэдрыкі (сядло, паўшоры, падсядзёлак). Ваўк. п., Слон., Гом., Валож., Мсцісл. Іран. Пра нешта, што зусім не падыходзіць, не пасуе, не адпавядае. Federowski, 251; Сержпутоўскі 1999, 56; Янк., 411; Высл., 332; Юрчанка 1977, 288; Скарбы, 179. ≺ Набэдрыкі - частка збруі: шляі, якія ідуць ад хамута па баках каня і злучаюцца папярэчнымі шляямі.
ісці як свінні пацеркі. Слон. Іран. Высл., 332. Тое ж.
йсці як свінне под попонкою. Стол. Няўхв. Насмешл. Пра нешта непрыгожае. ТС 4, 173.
карак як у свінні. Краснап., Сен. Ухв. Пра сытага чалавека. Бялькевіч, 400; Каспяровіч, 154.
клыкі як у свінні. Карэл. Няўхв. Пра нечые непрыгожыя зубы. Высл., 335.
нада каму што як свінне рубанак. Мсцісл. Іран. Пра нешта непатрэбнае каму-н. Юрчанка, 197.
накінуцца бы свінні на мякіну. Слуцк. Няўхв. Пра нейчае прагнае, непрывабнае накідванне на нешта. Сержпутоўскі 2000, 165.
насадились як свиньни кормныя. Смал. п. Няўхв. Пра людзей, што залішне наеліся. Добр., Смол., 460. ≺ Насадзіцца - залішне наесціся.
павага каму як свінні ў карыце. Мін. Іран. Пра поўную адсутнасць павагі. ЛЦ, 63.
падыходзіць каму што як свінні парасон. Астр. Іран. Пра тое, што зусім не падыходзіць каму-н. Даніловіч, 247.
пасаваць каму як свінне рогі. Мсцісл. Іран. Пра нешта, што зусім не падыходзіць. Юрчанка 1977, 242.
патрэбен як свінні падкова. Ваўк. Іран. ЛЦ, 118. Тое, што нада як свінне рубанак.
патрэбен як свінні хамут. Касц. Іран. ЛЦ, 118. Тое ж.
плодны бы свінні. Слуцк. Няўхв. Пра чыюсьці шматдзетнасць. Сержпутоўскі 1999, 143.
пражыць як на 〈рабой〉 свінні праехаць (пераехаў). Воран., Гродз., Маст. З горыччу. Пра сваё няўдалае, нялёгкае жыццё. Даніловіч, 237.
прыстало як да свінні кульбачка. Дзятл. Насмешл. Пра нешта зусім неадпаведнае, непадыходзячае. Сцяшковіч, 614.
разгуляцца як свінні на дожджык. Мін. Няўхв. Пра тых, што разышліся, раздурэліся, засваволілі. ЛЦ, 120.
трэба (патрэбны) як свінні завушніцы. Іран. Пра поўную непатрэбнасць нечага. Янк., 434.
Удалося як свінні ў гаросе. Прык. Докш. Пра нейкую няўдачу. Высл., 403.
як з свінні гарманіст. Мсцісл. Іран. Пра дрэннага, ніякага спецыяліста. Юрчанка, 185.
як з свінні нявеста (ухажорка). Мсцісл. Іран. Пра чалавека, не адпаведнага нейкай ролі. Юрчанка, 173.
як на свінні сядло. Чэрык., Касц., Хоц., Брэсц. Насмешл. Пра неадпаведнасць нейкага ўбору, адзення. ЛЦ, 76.
як хамут на свінні. Гл. хамут.
брудны як свінню ссаўшы. Астр. Насмешл. Пра кагосьці вельмі бруднага, запэцканага з твару. Даніловіч, 247; ЛЦ, 72.
мурзаты быццам свінню ссаў. Насмешл. ЛЦ, 72. Тое ж.
аб'есціся (наесціся) як свіння. Ваўк. п., Карэл. Асудж. Пра чалавека, які многа еў, задужа наеўся. Federowski, 2; Высл., 279.
абкешкацца (выкачацца) як свіння [у гразі]. Езяр. Няўхв. Пра чалавека, які неакуратна працаваў, забрудзіўся. Каспяровіч, 3; Янк., Пар., 29. ≺ Абкешкацца - вельмі запэцкацца.
адна на свеця век пражыла, як свіня па гнаю хвост працягнула. Астр. Няўхв. Пра сумна, нецікава пражытае жыццё (у самотнасці). СПЗБ 4, 78.
асмалены бы перад Калядамі свіння. Гл. Каляды.
Баба п'яная як свіння худая. Ашм. Прык. Асудж. Пра п'яную кабету. Сцяшковіч, 624.
басам - як свіння часам. Капыл. Жарт. Пра нейчы спеў непаважна, непрыгожа. Рабкевіч, 23.
бегаць бу надворна свінья. Жытк. Асудж. Пра чалавека, які мітусіцца ў пошуках спажывы, выгоды. ТС 3, 122. ≺ Надворны - які гадуецца не ў хляве (пра свіней).
біць як свіння гарбуз. Старадар. Пра моцнае ўпартае біццё кагосьці. ФА.
брудны як сьвіньня. Чэрык., Дзятл. Асудж. Пра бруднага чалавека. Бялькевіч, 135; СРЛГ, 6; Янк., Пар., 19.
варочацца як свіння. Івац. Няўхв. Пра павольнага, няўклюднага чалавека. ЗЗайкі.
варочаць як свіння ў карыце. Лаг. Няўхв. Пра чалавека, які капаецца ў місцы з ежай, неахвотна есць, вышуквае смачныя кавалкі. АВНЛ.
вішчаць як свіння ў плоце. Люб., Воран. Няўхв. Пра чалавека, які моцна прарэзліва крычыць. ФА; СПЗБ 5, 210.
вішчаць як свіння ў прасле. Мсцісл. Няўхв. Юрчанка, 197. Тое ж.
вукаліцца як свіння. Лельч. Няўхв. Пра чалавека, які неакуратна трымае сябе, забрудзіўся. Кучук, Малюк, 22. ≺ Вукаліцца - запэцкацца.
выквацацца як свіння. Івац. Няўхв. ЗЗайкі. Тое ж.
гаспадарыць як свіння ў гародзе. Навагр. п., Докш. Асудж. Пра чалавека, які дрэнна гаспадарыць. Federowski, 106; Дуб., 8; АВНЛ.
гладкі як свіння. Лельч. Пра сытага чалавека. Кучук, Малюк, 25.
гуляць як свіння на вяроўцы (прывязі). Капыл. Іран. Пра кепскае гулянне або яго адсутнасць. Высл., 309; Янк., Пар., 46.
дабрацца (дапасці, дарвацца) як свіння да брагі. Ваўк. п., Слон. Асудж. Пра чалавека, які прагна да нечага дабраўся. Federowski, 76; Высл., 310.
дапамагчы як свіння (кабан, вапер) на вяселлі. Мсцісл. Іран. Пра адсутнасць дапамогі наогул. Юрчанка, 174.
дарвацца бы свіння да цеста. Слуцк. Асудж. Пра чалавека, які да нечага прагна дапаў. Сержпутоўскі 1999, 133.
Дужы як свіння ў лужы. Слон. Прык. Іран. Здзекл. Пра сумніўную дужасць кагосьці. Высл., 316; Арх. Гр.
дурны як свіння. Ваўк. п. Няўхв. Пра не вельмі разумнага чалавека. Federowski, 86. ≺ Несправядлівае параўнанне, свіння зусім не дурная жывёла.
дурны як сто свінней. Смаляв. Няўхв. ФА. Тое ж.
Ек прышоў Ілья, то чоловек ек свінься. Стол. Прык. На Іллю чалавек ужо можа паесці на агародзе. ТС 5, 21.
жраць як свіння. Івац. Абразл. Пра чалавека, які шмат і неахайна есць. Dybowski, 21; ЗЗайкі.
жыць як свіння. Ваўк. п. Абразл. Пра чалавека, які блага жыў, рабіў брыдкія ўчынкі. Federowski, 368.
задавацца як свіння на вяроўцы. Пруж. Насмешл. Пра чалавека, якому няма чым ганарыцца. ФА.
задавацца як свіння ў карыце. Маз. Насмешл. Высл., 322. Тое, што задавацца як свіння на вяроўцы.
задраць нос як свіння лыч. Люб. Зласл. Пра чалавека, які неапраўдана заганарыўся. АВНЛ.
заквэцаць як свіння. Слон. Няўхв. Пра чалавека, які забрудзіў нешта. Высл., 323. ≺ Заквэцаць - забрудзіць.
занадзіцца куды як свіння. Ваўк. п. Няўхв. Пра частае нетактоўнае наведванне кагосьці. Federowski, 349.
запэцкаць што як свіння гарбуз. Бераст. Няўхв. Пра вельмі моцна, да непазнавальнасці нешта запэцканае, часцей пра адзенне. Даніловіч, 247.
заробытыся як свыння в Спасовку. Кобр. Насмешл. Пра моцна стомленага чалавека. ЖНС, 119.
зграбны як [худая] свіння ў дождж. Іран. Насмешл. Пра некага зусім нязграбнага, непрывабнага. Янк., 405.
зграбны як свіння да алтара. Ваўк. п. Іран. Пра некага зусім неадпаведнага. Federowski, 353.
здарова як карова, багата як зямля, пладавіта як свіння. Гл. карова.
знацца як свіння на пастах. Іран. Пра адсутнасць ведаў у каго-н. Янк., 410.
знацца як свіння на перцу. Іран. Аксамітаў, 212; Матэрыялы 1981, 115. Тое ж.
знацца як свіння на саладзінах. Іран. Санько, 136. Тое ж.
качаць як свіння гарбуз. Саліг., Хойн. Няўхв. Пра нейкія настойлівыя безвыніковыя дзеянні. ФА.
красіва як свіння сіва. Рэч., Чэрык. Іран. Пра некага зусім не прыгожага. ЛЦ, 71.
красівая як свіння ў дождж. Хойн. ФА. Тое ж.
крычаць (пішчыць) як свіння ў дождж. Ваўк. п., Асіп. Няўхв. Пра нечыю гаворку, пранізлівы непрыемны спеў. Federowski, 154; Высл., 338.
крычаць як свіння недарэзаная. Асіп. Няўхв. Пра нейчы рэзкі пранізлівы крык. АВНЛ.
крычаць як свіння, увязшы ў плот. Ваўк. п. Няўхв. Federowski, 154. Тое ж.
курносая як заводная свіння. Сен. Жарт. Пра курносую, не вельмі прыгожую жанчыну. Каспяровіч, 173. ≺ Заводная - пародзістая, пакінутая для заводу.
любіць што як свіння гарбуз. Рэч. Насмешл. Пра нечыю палкую любоў. Pietkiewicz, 376.
любіць што як свіння сена. Слуцк. Іран. Пра абыякавае стаўленне да пэўнай ежы. Высл., 342.
ляжаць (валяцца) як свіння. Ваўк. п. Асудж. Пра гультая, што марнуе час без працы. Federowski, 1961; Янк., Пар., 25.
набожна як свіння падарожна. Гродз. Іран. Пра зусім ненабожную, нецнатлівую жанчыну. Цыхун, 187; Высл., 348.
набрацца бы свінья. Сміл., Стол. Асудж. Пра моцна п'янага. Шатэрнік, 163; ТС 3, 36.
набрацца як свіння мыла. Слон., Крыч. Асудж. Federowski, 194; Высл., 349; Даніловіч 2010, 91. Тое ж.
набрацца горэлкі як свінья мула. Жытк. Асудж. ТС 3, 110. Тое ж.
набрацца як свіння брагі. Нясв., Жытк. Асудж. ФА; Янк., Пар., 108; ТС 3, 110. Тое ж.
набрацца як свіння гразі. Мядз., Капыл., Маладз., Касц., Мін. Асудж. ФА; Санько, 155; ЛЦ, 97; Гілевіч, 57. Тое ж.
наесціся як свіння рэпы. Рэч., Мін., Чэрык. Няўхв. Пра чалавека, які занадта наеўся. ЛЦ, 93.
наесціся як свіння гразі. Чэрв. Няўхв. Пра чалавека, што перабраў з ежай, піццём. ФА.
напіцца як сьвіня. Астр. Асудж. Пра моцна п'янага чалавека. СРЛГ, 13.
нарабіць як свіння ў гародзе. Няўхв. Пра чалавека, які нарабіў пустак. Ройзензон, 74.
нассацца як свіння. Слон. п. Асудж. Federowski, 288. Тое, што напіцца як свіння.
нос задраць як свіння лыч. Клецк. Зласл. Насмешл. Пра чалавека, які неапраўдана заганарыўся. Высл., 355.
пабратацца як свіння з сядлом. Гродз. п. Іран. Зусім не пабратацца, не здружыцца. Federowski, 207.
пагаворна як свіння дворна. Ваўк. Асудж. Пра залішне гаваркую жанчыну. Даніловіч, 247.
пагуляць як свіння на вяроўцы. 1. Гродз., Смарг. Іран. Пра кагосьці, хто кепска або зусім не пагуляў, не павесяліўся. 2. Іўеў. Асудж. Пра чалавека, што не ў меру, залішне разгуляўся, раздурэўся. Даніловіч, 248.
падобны як свіння да лебедзя. Насмешл. Іран. Пра зусім непадобных. Янк., 418.
пазнацца як свіння на мыдлі. Насмешл. Пра чалавека, які зусім не мае досведу. Ляцкий, 32.
пазнацца як свіння на перцы. Ваўк. п. Насмешл. Federowski, 358; Dybowski, 16. Тое, што пазнацца як свіння на мы'длі.
перабіраць як свіння лычам. Докш. Няўхв. Пра пераборлівага ў ежы чалавека. Высл., 365.
перціся як свіння пад чалавека. Рэч. Няўхв. Пра чалавека, які ўпарта некуды імкнецца. Pietkiewicz, 386.
пішчаць як свіння ў плоце. Гродз., Свісл., Бераст., Воран., Слон., Навагр., Ашм., Дзятл. Няўхв. Пра пісклявы голас, рэзкі непрыемны спеў і інш. Даніловіч, 248; ФА.
пішчаць як сьвіньня ў пярэплаце. Ушацк. Няўхв. Барадулін, 96. Тое ж.
плямкаць бу свінья. Стол. Асудж. Пра чалавека, які есць чвякаючы. ТС 4, 65. ≺ Плямкаць - чвякаць.
Пражыць жызь як на свіні пераехаць. Гом. Прык. Няўхв. Пра нецікавую, цяжкую жыццёвую дарогу. АВНЛ.; Арх. Гр.
прывыкнуць як свіння да гразі. Кругл. Няўхв. Пра прывыканне чалавека да чагосьці непрыемнага, бруднага. Высл., 370.
прыгожы як свіння ў дождж. Мін., Хойн. Насмешл. Пра кагосьці непрыгожага. ЛЦ, 74; ФА.
прынесці ек свінья на рылі. Жытк. Пра нешта атрыманае без намаганняў. ТС 4, 340.
прыраўнавалася як свіння да каня, да шэрсць не такая. Здзекл. Пра кагосьці, хто неапраўдана раўнуе сябе да лепшага. Federowski, 251.
пхаць як свіння. Ваўк. п. Няўхв. Пра празмернае, непрыгожае, хуткае спажыванне ежы. Federowski, 226.
разбірацца што свіння ў апельсінах. Дзятл., Касц., Нясв. Іран. Пра чалавека, які ў нечым зусім не разбіраецца. ФА; ЛЦ, 40.
разбірацца як свіння на бязмене. Брасл. Іран. Рабкевіч, 177. Тое ж.
разбірацца як свіння ў асеўках. Астр. Іран. ФА. Тое ж.
разбірацца як свіння ў калбасных абрэзках. Шчуч. Іран. ФА. Тое ж.
разбірацца як свіння ў капусце. Маст. Іран. Даніловіч 2008, 137. Тое ж.
разбірацца як свіння ў памідорах. Смарг. Іран. Даніловіч, 248. Тое ж.
разбірацца як свіння ў пацерах. Пруж. Іран. ФА. Тое ж.
разбірацца як свіння ў пярынах. Мсцісл. Іран. Юрчанка 1977, 242. Тое ж.
разгуляцца як свіння на лёдзе. Докш. Іран. Пра няўдалыя, нязграбныя гулі каго-н. Высл., 375.
раздурэцца як свіння на дождж. Шчуч. Няўхв. Звычайна пра свавольствы дзяцей. Сцяшковіч, 619.
розьесціса як свінья на мякіні. Стол. Няўхв. Пра чалавека, які разбагацеў за кошт іншых. Барысюк, Буян, 24.
разумны як папова свіння. Брэсц. Насмешл. Пра нейчы невялікі розум. ЛЦ, 43.
разыйсціся як свіння на дождж. Хойн. Насмешл. Пра нейчые ўзбуджэнне, весялосць. АВНЛ.
распрараджацца як свіння ў лебядзе. Мсцісл. Няўхв. Насмешл. Пра чалавека, які бесцырымонна сябе недзе паводзіць. Юрчанка, 197.
раўня як свіння да каня. Іран. Пра двух няроўных людзей. Санько, 179.
спяваць як свіння анучу дзярэ. Зэльв. Іран. Пра непрыемныя, немілагучныя спевы. Даніловіч, 247.
убачыць што як свіння неба. Карэл. Іран. Пра цяжкасць нешта ўбачыць, зведаць. Высл., 403; Санько, 189.
убрацца як свіння ў рэпу. Лаг. Насмешл. Пра чалавека, які дапаў да нечага прыемнага, нашкодзіў. Varłyha, 139.
уляпаць сваё як свіння ў агарод. Слуцк. Няўхв. Пра чалавека, які звык нязваны хадзіць у госці, да суседзяў. Сержпутоўскі 1999, 122.
унадзіцца як свіння ў агарод. Івац., Капыл. Няўхв. Пра чалавека, які прывык нязваны хадзіць у госці, да суседзяў. Высл., 405; Pietkiewicz, 397; Янк., Пар., 174; ЗЗайкі.
унадзіцца як свіння ў бульбу. Воран. Няўхв. СПЗБ 5, 210; Янк., Пар., 175. Тое ж.
унадзіцца як свіння ў моркву. Ваўк., Гродз. п. Няўхв. Federowski, 320. Тое ж.
усхадзіцца як свіння на дождж. Насмешл. Пра нечыю ўзбуджанасць, раздражнёнасць, актыўнасць. Санько, 193.
ушчаміцца як свіння ў плот. Смарг. Няўхв. Пра кагосьці, хто ўмяшаўся ў чужыя размовы. ФА.
хадзіць як свіння вушы апусціўшы. Навагр. Няўхв. Пра чалавека маркотнага, прыгнечанага, бяссільнага. Даніловіч, 247.
харош як свіньня ў дождж. Ушацк., Слуцк. Насмешл. Пра не вельмі прыемны выгляд кагосьці. Барадулін, 104; Гілевіч, 166.
хламаць бі свіня. Стол. Няўхв. Пра чалавека, які есць чвякаючы, прагна хапае ежу. ТС 5, 240.
Хоць жонка як свіння, абы золата сяўня. Прык. Жарт. Пра сквапнага чалавека, што выбірае не сужонку, а пасаг. БВ, 120.
цмокаць бы свіння ў карыце. Насмешл. Здзекл. Пра нейчы пацалунак. Сержпутоўскі 1998, 274.
чухацца як свіння аб вугал (плот, пад плотам). Слуцк. Насмешл. 1. Пра чалавека, які аб нешта цярэбіцца. 2. Пра чалавека, які нечым азадачаны, збянтэжаны. Сержпутоўскі 1999, 45; Ляцкий, 58.
шкодны як свіння. Ваўк. п. Асудж. Пра кепскага чалавека. Federowski, 299.
як благая свіння. Вілен. Асудж. Пра непрыемнага чалавека. Sielicki, 159.
як свіння на вяселлі. Мсцісл. Іран. Пра чалавека, які бесцырымонна недзе распараджаецца. Юрчанка, 174.
як свіння з граблямі. Мсцісл. Іран. Пра кагосьці, хто выглядае непрыглядна. Юрчанка, 197.
як свіння на бязмене. Слон. Іран. Пра чалавека, які нічога не цяміць у справе. Сцяшковіч, 619.
як свінны у дождж. Мсцісл. Няўхв. Пра бруднага, непрывабнага чалавека. Юрчанка, 197.
як свіння: дзе есь, там і сера. Саліг. Асудж. Вульг. Пра вельмі нястрыманага чалавека, які паводзіць сябе неадпаведна сітуацыі. ФА.
савгать ек свыны. Драг. Няўхв. Пра прагнае, хуткае спажыванне ежы. Скарбы, 91. ≺ Савгаты - хутка есці.

свінтух
набрацца ек свінтух. Стол. Няўхв. Пра чалавека, які залішне напіўся, страціў прыстойны выгляд. ТС 5, 20.