-
121
голуб
любіцца (мілавацца) як галубы. Ваўк. п. Пра шчыра закаханых. Federowski, 167; Слон. Высл., 342; Добр., Смол., 410. ≺ Голуб - сімвал лагоднасці і шчырасці ў каханні.
брукаваць (буркаваць) як галубы (галубкі). Ваўк. п. Слон. Пра шчырую, сардэчную размову закаханых. Federowski, 43; Янк., Пар., 19; Высл., 288.
каб вы пасівелі як галубы сівыя. Пажаданне доўгага жыцця. Federowski, 377.
сівы як голуб. Івац., Жытк. Пра моцна ссівелага чалавека. Санько, 182; ТС 5, 33; ЗЗайкі. -
122
голы
праўда як сляпы голага абакраў. Гл. сляпы.
як голага брыць. Навагр. Пра лёгкае, простае выкананне якой-н. справы. Даніловіч, 217.
праўда як голай дупай вожыка задушыш. Гл. дупа.
пагуляць як голаму ў крапіве пасядзець. Люб. Іран. Пра няўдалае, кепскае гулянне. ФА.
як голаму памыцца. Мсцісл. Юрчанка, 182. Тое, што як голага брыць.
выскачыць як голы з канопель. Лях. Насмешл. Пра чалавека, які аднекуль выскачыў моцна ўражаны, напалоханы, апечаны. ФА.
выскачыць як голы з крапівы. Насмешл. БПФС, 69. Тое ж.
гульнуць як голы ў крапіве. Янк., 404. Тое, што пагуляць як голаму ў крапіве пасядзець.
дачакацца як голы марозу. Чэрык. Іран. Нечага неспадзявана дачакацца. ЛЦ, 103.
круціцца як голы ў крапіве. Навагр. п., Дзярж. Насмешл. Пра мітуслівыя паводзіны чалавека ў цяжкіх абставінах. Federowski, 153; ФА.
круціцца як голы ў мурашніку. Слон. Насмешл. Санько, 69; Высл., 337. Тое ж.
падляцець як голы пад бізун. Насмешл. Пра чалавека, які трапіў у непрыемнае становішча. Высл., 358.
пажывіцца як голы ў крапіве. Уздз., Шкл., Карэл. Іран. Пра няўдалую справу, адсутнасць поспеху. Высл., 359.
як голы ў крапіве. Карэл., Зэльв. Пра чыё-н. няёмкае становішча, прыкрую сітуацыю. Даніловіч, 217; Сцяшковіч, 614.
любіць што як голый крапіву. Мсцісл. Іран. Пра адмоўнае, непрымальнае стаўленне да чаго-н. Юрчанка, 173.
танцаваць як голыя ў крапіве. Мядз. Насмешл. Пра рэзкія, мітуслівыя, непрывабныя рухі ў танцах. Высл, 398. -
123
горад
вялікі як горад. Пра вялікі пасёлак. Янк., Пар., 32. -
124
горб
Навука не горб, за плячамі не нясці. Мядз. Прык. Пра патрэбнасць ведаў, якія ў жыцці не абцяжарваюць, а дапамагаюць. ФА. - 125
-
126
горла
бальшыя вочы як горла. Ваўк. п. Няўхв. Пра вялікія прагныя вочы. Federowski, 335.
трудно як у воўка з горла вырваць. Гл. воўк.
як бы на чыё горла нож гастрылі. Ваўк. п. Пра жорсткія, хцівыя захады каго-н. Federowski, 112.
як з воўчага горла дастаны што. Шчуч. Пра вельмі камечанае, неадпрасаванае адзенне. Даніловіч, 225.
як у сабакі з горла выцягнуць. Гл. сабака.
госці як у горле косці. Маст., Дзятл., Зэльв. Няўхв. Пра несвоечасовых, дакучлівых гасцей. Даніловіч, 257.
змята як у сабакі ў горле было. Гл. сабака.
прасторна як у сабачым горле. Ваўк. п. Іран. Пра адсутнасць прастору, пра цеснату. Federowski, 245.
срано, марано дзе як у сабачым горле. Вульг. Асудж. Пра непарадак у якім-небудзь цесным кутку. Federowski, 288.
У хатэ нэвістка бы ў горле кістка. Гл. котска.
як костка ў горле. Гл. костка. -
127
горн
дурны як кавальскія гарны. Ваўк. п. Няўхв. Пра недалёкага чалавека. Federowski, 86; Санько, 129. -
128
госць
угасціць і выправадзіць як гасця. Краснап. Ухв. Пра пачцівую сустрэчу і гасцінны пачастунак. Бялькевіч, 38.
Будзьце як дома, але не забывайце, што ў гасцях. Гл. дом.
добра як у гасцях на Случчыне. Ухв. Пра прыемнае баўленне часу дзе-н. Янк., 404; Ройзензон, 69.
рассесціся як у гасцях. Івац., Мсцісл. Няўхв. Пра чалавека, які надта вольна рассеўся. Высл., 377; ЗЗайкі.
частаваць як госця. Слуцк. Пра сардэчны гасцінны пачастунак. Сержпутоўскі 1999, 49. - 129
-
130
граблі
пальцы як граблі. Няўхв. Пра застылыя пальцы, што не слухаюцца ў больш далікатнай працы. Янк., 419.
рукі як граблі. Гродз., Івац. Няўхв. Пра няўмелыя, няспрытныя рукі. СПЗБ 1, 335; ЗЗайкі.
хоць граблямі грабі. Мядз. Ухв. Пра вялікую колькасць (часцей грыбоў). СЦБ, 104.
як дурны з граблямі. Гл. дурны.
як свіння з граблямі. Гл. свіння. - 131
- 132
-
133
град
грукаць як град па блясе. Мсцісл. Пра гучнае, звонкае грукатанне. Юрчанка, 182.
як град сыпле. Ваўк. п. Пра нешта, што сыпле спорна, густа. Federowski, 296.
словы сыпяцца як градам. Астр. Пра хуткую і калючую гаворку. СПЗБ 4, 486. - 134
-
135
грады
тлець як дрова за градамі. Гл. дровы.
качацца [малы] па хаце як гарбуз па градах. Гл. гарбуз.
патрэбны (так страшан) як леташні (лонскі, тагрочны) снег [на градах]. Гл. снег.
прайсці як конь па градах. Гл. конь.
як рак у градзе. Гл. рак.
як грады загробшы. Мсцісл. Іран. Пра ганарлівыя паводзіны каго-н. Юрчанка, 182. - 136
-
137
гразь
ляпнуць як гразёй у вочы. Маладз. Няўхв. Пра нешта сказанае нечакана, недарэчна і груба. Высл., 343.
рынуць прымаўкаю як граззю ў вочы. Dybowski, 188; Янкоўскі, 106. Тое ж.
абкешкацца (выкачацца) як свіння [у гразі]. Гл. свіння.
багата як гразі. Пра вялікую колькасць чаго-н. Янк., 396; Янкоўскі 1971, 43.
ляпнуць (сказаць) як лапцем (атопкам) па балоце (па гразі) [пляснуў]. Гл. лапаць.
многа як гразі ўвосень. Пруж. ФА. Тое, што багата як гразі.
многа як гразі. Ваўк. п., Івац., Слон., Стаўб., Капыл. Янк., Пар., 104; МК, 310; Янкоўскі 1971, 43; Federowski, 117; Высл., 308; ДА; ЗЗайкі. Тое, што багата як гразі.
набрацца як жаба гразі (мулу, твані). Гл. жаба.
набрацца як свіння гразі. Гл. свіння.
наесціся як свіння гразі. Гл. свіння.
прывыкнуць як свіння да гразі. Гл. свіння.
як жаба да гразі. Гл. жаба.
п'яны як гразь. Асудж. Пра моцна п'янага чалавека. Санько, 178.
слабая як гразь. Стол. Спачув. Пра слабасць, знямогласць, ватнасць у нагах. ТС 1, 227.
уважацца як гразь. Ваўк. п. Асудж. Пра крэпка вымаклага і забруджанага чалавека. Federowski, 323.
улезці як жаба ў гразь. Гл. жаба.
улюблівы як жаба ў гразь. Гл. жаба.
ускочыць як цюцька ў гразь. Гл. цюцька.
як у гразь пляснуць. Асудж. Пра неразумныя стратныя ўкладанні, пра марнатраўства. Янк., Пар., 209.
як у гразь укінуць. Ваўк. п. Асудж. Federowski, 117. Тое, што як у гразь пляснуць. -
138
грак
сядзець як грак. Смал. п. Пра насупленага, нахохленага чалавека. Добр., Смол., 122.
худы як вясновы грак. Мін. Жарт. Пра некага схуднелага, згаладнелага. Высл., 413.
чорны як грак. Ваўк. п. Пра некага вельмі чорнага. Federowski, 55; Янкоўскі 1971, 42. ≺ Традыцыйнае параўнанне, дзе грак мае эталонныя характарыстыкі чарнаты. -
139
грамадка
Калі сказаў бабцы, то як усёй грамадцы. Памянш. Прык. Няўхв. Пра жаночую балбатлівасць, няздольнасць захоўваць сакрэты. Санько, 144. -
140
граматка
Матка не граматка - за злоты (злотку) не купіш. Прык. Пра немагчымасць ні купіць, ні знайсці замену роднай маці. Нос., 77; ПП, 2, 82, 144.
На запыт знайшлося 182 артыкулы
Паведаміць пра недакладнасьць