Галоўная старонка Навіны Пра праект Кантакт Спасылкі Кнігі ў PDF/DJVU Канвэртар лацінкі Бібліяграфія
Шукаць:    
 
 толькі ў назьве   шукаць ва ўсіх    віртуальная клявіятура Уставіць беларускае "і" Уставіць у-кароткае (ў)
 
 
Рэгіянальны слоўнік Віцебшчыны (573 артыкулы)

Вынікі пошуку
 
а  


На ваш запыт чалавек знойдзены 20 артыкулаў

  1. анцыюд м., груб. Чалавек, паводзіны і ўчынкі якога супярэчаць агульнапрынятым у грамадстве.
    Зноў гэты анцыюд прыйшоў. Даўгаполле Гар. Не чалавек, а нейкі анцыюд, над людзьмі толькі здзікаўся. Быцава Беш. Вырасціла анцыюда на сваю галаву. Верамееўка Гар.
  2. апоўзлік м.
    1. Немаўля.
    Што ты хочыш, ён жа йшчэ апоўзлік, ні ходзіць. Езярышча, Марозава Гар.
    2. перан. Чалавек невысокага росту.
    Звязалася яна з такім апоўзлікам - як дзіця. Замачак Чаш.
    3. перан. Худы, нездаровы, змарнелы чалавек.
    Ізноў гэты апоўзлік прыцягнуўся - худы, бледны, страшна глянуць. Іванск, Тараскі Чаш.
  3. абалдуін, абалдуй м., груб., зневаж. Неразумны, дурны чалавек; аболтус.
    Хлопцы зараз нейкія абалдуіны. Порплішча Докш. Ай, які ж ты абалдуй. Бораўна Леп.
    Параўн. аплэвух, аплэвуш, асялок
  4. абваліцца зак. Страціць прытомнасць, упасці непрытомным.
    Як убачыла яго, так і абвалілася. Другі чалавек вярнуўся. Выгада Сен.
  5. аберуч прысл.
    1. Абедзвюма рукамі (абхапіць, узяць што-н.).
    Ухваціў аберуч маю руку. Камень Леп.
    2. Папераменна, то ў адной, то ў другой руцэ (несці што-н.).
    Марынка аберуч несла гэтую торбу. Арханава Міёр.
    3. Разам.
    Той зімой восем чалавек жылі аберуч з намі ў нашай хаці. Нурава В.-Дзв.
  6. абрыдзоны прым. Надакучлівы.
    Гэны чалавек такі ўжэ абрыдзоны. Смалоўка Сен. Кыш, гогалі абрыдзоные! Камаі Паст.
  7. адлюднік м. Нелюдзімы чалавек.
    Такі ж адлюднік, ні з кім ня дружыць. Латышы Глыб.
    Параўн. атадар
  8. акураціст м. Чалавек, які вызначаецца акуратнасцю ў працы, бездакорнасцю ў паводзінах, ахайнасцю адзення.
    Ён хоць і плоха ўчыўся, але ж па натуры быў акураціст. Дольдзева Сен. Паглядзі на свае штаны, а шчэ акурацістам падаеш сябе. Латыголічы Чаш.
  9. алярвець зак., груб. Разленавацца, разбэсціцца.
    Саўсім алярвеў чалавек. Што будзе далей? Алексінічы Сен.
  10. аплэвух, аплэвуш м., груб., зневаж. Неразумны, дурны чалавек; аболтус.
    Не вядзі сябе як аплэвух. Камайск Докш. Ён і малы быў нейкі аплэвуш, і цяпер такі самы. Быцава Беш.
    Параўн. абалдуй, абалдуін, асялок
  11. апоўзлы прым. Нікчэмны.
    Такі ж ужо ён апоўзлы чалавек, п'е з дня ў дзень. Стралкі В.-Дзв.
  12. асаднік м. Агароднік, чалавек, які займаецца агародніцтвам.
    Мой бацька асаднік, расціць гуркі. Грыцы Глыб.
  13. асталапець зак. Аслупянець, знерухомець ад моцнага ўзрушэння.
    Тут я асталапела і гляжу на яго: смяецца ці праўду кажыць чалавек. Баева Дубр.
    Параўн. астаўбянець
  14. астукан зневаж. Чалавек, які стаіць нерухома на адным месцы.
    Стаіш ты, як астукан. Ноўка Гар.
  15. асялок м., перан., зневаж. Неразумны, дурны чалавек; аболтус.
    Мішка - асялок, гэта ўсе знаюць. Быцава Беш.
    Параўн. абалдуй, абалдуін, аплэвух, аплэвуш
  16. атадар м., зневаж. Нелюдзімы чалавек.
    Што ты ходзіш атадарам? Ад усіх хаваешся? Ёды Шарк.
    Параўн. адлюднік
  17. атраха аг., зневаж. Абыякавы да ўсяго чалавек.
    Ай, атраха, ці будзіць з яго толк? Баева Дубр.
  18. атрэчча аг. Чалавек упарты, наравісты, які нікому не падпарадкоўваецца.
    На мінулым тыдні як паляцеў з матацыкла, я думала, шыю зломіць. Але ж такоя атрэчча, усё раўно ездзіць. Марынцы, Тараскі Чаш.
  19. ачурудны прым. Прапашчы.
    Ачурудны ты чалавек, п'яніца. Ушачы.
  20. ашчапенец м. Адшчапенец, адзінокі чалавек.
    Так і пражыў век ашчапенцам. Дрыгучы Міёр.

 
Рэгіянальны слоўнік Віцебшчыны   Рэгіянальны слоўнік Віцебшчыны
Галоўная старонка   Галоўная старонка
Даслаць ліст адміністратару Заўважылі недакладнасьць?
Паведаміце нам!
    (с) Электронная Энцыкляпэдыя, 2003-2021