Галоўная старонка Навіны Пра праект Кантакт Спасылкі Кнігі ў PDF/DJVU Канвэртар лацінкі Бібліяграфія
Шукаць:    
 
 толькі ў назьве   шукаць ва ўсіх    віртуальная клявіятура Уставіць беларускае "і" Уставіць у-кароткае (ў)
 
 
Слоўнік адметнай лексікі (431 артыкул)

Вынікі пошуку
 
а  б  в  г/ґ  
б  г/ґ  д  ж  з  к  л  н  п  р  с  т  ў  ф  х  ч  
 
Старонкі: 1  2  3  4  5  6  7  


На ваш запыт знойдзены 130 артыкулаў

  1. атрадавец -даўца, м. Асоба, якая ўваходзіць у склад атрада.
    Дзядзінцам маршыравалі на працу, змяшаўшыся ў адну грамадку, рабочыя атрады і палонныя. ...Атрадаўцы неслі жалезнякі, пілы, сякеры. (Ц.Гартны) Алік з гонарам, на хаду, пры ўсіх атрадаўцах працягнуў мне дарунак. (Ф.Янкоўскі)
  2. аўтарка -і, ж. Жан. да аўтар.
    «У лемантары змешчана каля 180 рысункаў» - як зазначае ў сваіх заўвагах да лемантара аўтарка. (Я.Колас) Аўтарка лёгка стварае эканамічнага чалавека і яго эканамічным досведам спрабуе аргументаваць культурную сітуацыю... (ARCHE. 2006. № 3)
  3. афіцыйнік -а, м. Афіцыйная асоба.
    І на кожным кроку й радыёгуку афіцыйнікі перад назовам Беларусь абавязкова коцяць гэтакі паравозік - рэспубліка. (Р.Барадулін)
  4. афішка -і, ж. Лістоўка, улётка.
    Дзе там хто казаў, што ў Алесі афішкі нейкія чуў? Пачытаць трэба. Хадзем, няхай пачытае... (Я.Скрыган) [Сцяпан:] Дык гэта ты, каханенькая, родненькая, за яго [Адольфа] захацела замуж уцякаць, як даведалася, што гэнага гада [Якіма], гэнае плюгаўства за афішкі арыштавалі?! (Я.Купала)
  5. ахвотны -ага, у знач. наз. Той, хто хоча, жадае атрымаць што-н., узяць удзел у чым-н.; ахвотнік.
    Ахвотныя звяртайцеся, калі ласка, на адрас [склада] (Наша Ніва. 1991. № 1) У Гродне зноў адкамандзіравалі ахвотных - вярнуўся адзін, і без піва. (А.Федарэнка)
  6. ахвяроўца -ы, ахвярнік -а, м. Той, хто дае што-н. як дарунак каму-н.
    Шчыра дзякуем усім ахвяроўцам! (Роднае слова. 1994. № 7-8) Кіраўніцтва ТБМ шчыра дзякуе ўсім ахвярнікам роднай мовы і запэўнівае, што вашыя грошы паслужаць Беларусі. (Наша слова. 01.01.1998)
  7. ахоўца -ы, м. Той, хто беражэ, шануе каго-н., што-н.; ахоўнік.
    Святы анёле, Заступніку Боскае волі, Ахоўца мае зямное няволі, І ў цішы, і ў гамане Не адыходзь ад мяне, Адвядзі ад душы мае стому... (Р.Барадулін)
  8. ачмуральны -ая, -ае. Які ачмурае, задурманьвае, затлумляе.
    Ніяк не магу знайсці архімедаўскага пункта апоры, каб выбрацца з блытаніны розных процілеглых поглядаў, ачмуральнай галаслівасці, засцянковай мегаламаніі
  9. ачнуты -ая, -ае. Які ачнуўся, абудзіўся.
    На імёны, на музыку - мода, - Не пазнаць мне тутэйшых мясцін. Да ачнутага духу народа Нам з табой яшчэ доўга ісці. (Я.Янішчыц)
  10. ачольваць -аю, -аеш, -ае, незак. Узначальваць.
    У найноўшай гісторыі хапае прыкладаў, калі святары ачольвалі вызвольныя рухі. (Наша Ніва. 11.05.1998) Уладзімір Гінько ачольвае зусім маладых... ансамбль старадаўняй беларускай музыкі «Легенда». (ЛіМ. 18.05.2007)

Старонкі: 1  2  3  4  5  6  7  
 
Слоўнік адметнай лексікі   Слоўнік адметнай лексікі
Галоўная старонка   Галоўная старонка
Даслаць ліст адміністратару Заўважылі недакладнасьць?
Паведаміце нам!
    (с) Электронная Энцыкляпэдыя, 2003-2019