крайчый —
1. службовая асоба пры двары вялікага князя, што адказвала за закускі да стала;
2. у 16 ст. ганаровы тытул без пэўных абавязкаў

краковка:
˜ бочка краковка — адзінка вымярэння аб'ёму (часцей збожжа, круп і г.д.)

кресъ — мяжа, апошняя рыса, грань

крица —
1. фармаваны кавалак металу;
2. адзінка вымярэння колькасці жалеза

кровный (кревный) — родны па крыві, сваяк

крогулецъ (крагулецъ) — ястраб-перапёлачнік

кройника — хроніка, летапіс

кройникаръ — летапісец

крокъ —
1. крок;
2. адзінка вымярэння даўжыні

крошня — адзінка вымярэння сушаных ягад; кош

кружокъ — адзінка колькасці воску

крушецъ —
1. руда;
2. каштоўныя металы

крыти — хаваць, утойваць