солданъ — султан, тытул уладарнага правіцеля ў Азіі

соленницы — саляныя склады

соломянникъ — збан з саломы як адзінка меры хлеба

солянка — адзінка вымярэння солі, роўная 0,6 частцы бочкі

сомчати — сцягнуць

сорочникъ — прадстаўнік улады ў дзяржаўных сялян, які выбіраўся ад 40 двароў

соха —
1. прылада для апрацоўкі зямлі, саха;
2. адзінка вымярэння плошчы;
3. адзінка падатковага абкладання ў Вялікім Княстве Літоўскім, якая вымяралася колькасцю рабочай жывёлы

спадокъ — спадчына

спалый — які дастаўся, выпаў на долю

спаций (спациумъ, спация) —
1. вольная прастора;
2. прапушчанае месца ў тэксце, прабел

спекуляторъ — кат

спереть — аспрэчыць

спижа — прадукты харчавання, правіянт

спижарня — кладоўка; памяшканне для захоўвання харчовых прыпасаў, сыравіны і інш.

спикненье — змова

спирати —
1. адвесці каго-н. ад уладання чым-н., пазбавіць правоў на што-н.;
2. не пагаджацца, пярэчыць

спиратися — спрачацца, пярэчыць

сплендоръ — упрыгожанне

сплендровати — аграбіць, разарыць

сподарыня — гаспадыня, спадарыня