неаднойчы, неаднаразова; стакрот, стакроць (абл.) □ не раз, не раз і не два, некалькі разоў

небяспечны, страшны, сур'ёзны; круты, напружаны, крытычны, слізкі, коўзкі (перан.)

невінаваты, нявінны, бязвінны; праведны (уст.); святы, чысты, сухі (перан.)

невядомы, нязведаны, неразгаданы, неразгадны, безыменны, нейкі / пра прыналежнасць: нечы / пра пісьмо, літаратурны твор: ананімны; няведамы (разм.); загадкавы, цёмны (перан.)

негасцінна; холадна (перан.)

недаверліва, крытычна, скептычна

недагарак, галавешка, абгарак, агарак, асмалак

недастача, нястача, недахоп, недабор; недахват, брак (разм.)

недахоп, хіба, брак, няспраўнасць, недаробка, дэфект / прыроджаны: ганьба; загана, вада, завада, агрэх, пахіба, пахібка (разм.); непаладкі (разм., мн.); сказа (абл.); грэх, прарэха, слабасць, слабінка, пляма, памарка, хвароба, балячка, вывіх, мінус (перан.) □ слабы бок, слабае месца, слабая мясціна, цёмны бок, ценявы бок, ахілесава пята

незачэпа, нядократка, ламака (разм.)

незвычайны, надзвычайны, нязвыклы, нязвычны, непрывычны, небывалы, нечуваны, нябачаны, неверагодны, неймаверны, невераемны, немагчымы, невыказны, невымоўны, выключны, дзіўны, ненармальны, ненатуральны, нечалавечы, фенаменальны, унікальны, сенсацыйны, экстравагантны; несусветны, не абы-які (разм.)

не звяртаць увагі, не зважаць, не заўважаць, не лічыцца, не браць у разлік, скідаць з рахунку; не шманаць (разм.); пляваць, чхаць (перан.) □ прапускаць міма вушэй, прапускаць міма ўвагі, праходзіць міма, не весці і вухам, не браць да галавы, заплюшчваць вочы, закрываць вочы, не глядзець, глядзець праз пальцы

нездарма, недарэмна, нядарам, не без прычыны, не так сабе

некалькі, колькі; пара (разм.)

нельга, няможна, немагчыма, не трэба □ няма як, няма чаго, як без рук

нелюдзімы, дзікаваты, звераваты, ваўкаваты

немінучы, непазбыўны, неадваротны

ненавіснік, нядобразычлівец, ліхамыснік

ненаедны, пражорлівы; ненажэрны (разм.); жарлівы (абл.)

непагадзь, непагода, нягода; слата, хлюпота, хлюпа, хліпата, макрэдзь (разм.); зала (абл.)