подписокъ — памочнік пісара ў земскім судзе

подсада — прымесь, прымешка

подскарбий — вышэйшая службовая асоба ў Вялікім Княстве Літоўскім, якая загадвала дзяржаўным скарбам; дзяржаўны казначэй

подстароста (подстаростий) —
1. намеснік старасты;
2. наглядчык замка, аканом маёнтка

подстолий (подстольникъ) —
1. намеснік стольніка;
2. ганаровы тытул, які надаваўся знатным магнатам і шляхцічам (з 16 ст.)

подступокъ —
1. паклёп, нагавор;
2. падлог, ашуканства

подступца — ашуканец

подсудокъ —
1. памочнік суддзі;
2. пісар земскага павятовага суда

подущене — падбухторванне

подчаший —
1. прыдворная пасада, намеснік чашніка;
2. ганаровы тытул

подъездокъ — малады, неаб'езджаны конь

подымное прым. у знач. наз. — падатак з кожнага двара (дыму)

поединкомъ (поедынкомъ) прысл. — паасобку, асобна

поета — паэт

пожаданне — жаданне, прага

пожадливый — прагны

пожегнатися — развітацца

по животе — пасля смерці

пожитечный — карысны, даходны; урадлівы (пра зямлю)

пожня — луг, пакос, ніва