посесоръ (поссессоръ) — уладальнік, арандатар

посилокъ — падмацаванне, дапамога

последокъ — прадаўжальнік, наступнік

послизнене — памылка, недахоп

пословщизна — падатак на ўтрыманне паслоў

послухъ — сведка, відавочнік

посмыкъ — тоўстая жэрдка

пособитель — памочнік

посошное прым. у знач. наз. — зямельны падатак з сялян

посполитая вшетечница — блудніца, прастытутка

посполитая речъ (речъ посполитая) —
1. дзяржава, краіна-рэспубліка;
2. назва дзяржавы;
3. грамадзянскасць, простанароддзе;
4. урад, улада, кіраўніцтва

посполите прысл. — звычайна

посполитое рушенье — апалчэнне

посполитый (поспольный) —
1. сумесны, супольны;
2. просты, звычайны;
3. агульны, усенародны;
4. публічны, грамадскі, свецкі, урадавы, дзяржаўны;
5. вядомы, даступны, зразумелы, відавочны

посполнымъ голосомъ (выбрати) — аднадушна, сумесна

посполство —
1. насельніцтва;
2. просты народ

посполъ прысл. — разам, сумесна

поставъ —
1. кавалак тканіны, скрутак;
2. адзінка колькасці тканіны, роўная 50 локцям

постожное прым. у знач. наз. — падатак з сялян за сенажаці

посторога —
1. нагляд, ахова;
2. перасцярога, папярэджанне