На запыт знайшлося 215 артыкулаў

  1. 101
    машына
    рукі ходзяць як машына. Ухв. Пра лоўкую, спрактыкаваную работу рук, якія дзейнічаюць нібы самі сабой. ЛА, 25.
    як заведзеная машына. Пра нейчыя хуткія, зладжаныя, манатонныя дзеянні. БПФС, 126.
  2. 102
    Маяк
    высокі бы маяк. Лун. Пра высокага худога чалавека. ЗВалодзінай.
  3. 103
    медзены
    адзін як палец медзены. Гл. палец.
  4. 104
    медны
    як меднаму кацялку. Гл. кацялок.
    бледны як пятак медны. Гл. пятак.
    блішчэць што медны самавар. Гл. самавар.
    начышчаны як медны пятак. Гл. пятак.
  5. 105
    Меер
    зарабіць як Меер на Кузьме. Светл. Іран. Пра ўсялякую адсутнасць заробку. Высл., 324. ≺ З анекдота пра няўдалы гандаль.
  6. 106
    мелін
    роўны як мелін у жорнах. Сен. Пра нешта прамое, роўнае. Каспяровіч, 189. ≺ Мелін - млён, палка, якой круцяць жорны.
  7. 107
    мельнік
    белы як мельнік. Слон. Пра некага белага, нібы прысыпанага мукой. Высл., 286.
  8. 108
    мельнікаў
    задрыпацца як мельнікава карова. Гл. карова.
    здарова як [мельнікава] карова. Гл. карова.
  9. 109
    мельніца
    гаварыць як паламаная мельніца. Мсцісл. Няўхв. Пра надакучлівую, доўгую нудную гаворку каго-н. Юрчанка, 193.
    гаварыць як пустая мельніца. Мсцісл. Няўхв. Юрчанка, 195. Тое ж.
    шумець як у дурной мельніцы дзе. Мсцісл. Няўхв. Пра моцны шум, сварку ў нейкім памяшканні. Юрчанка, 200.
  10. 110
    мельнічны
    вярцецца як мельнічны жарноў. Гл. жарноў.
  11. 111
    мемка
    маўчаць як той мемко. Старадар. Няўхв. Пра маўклівага чалавека. ЖН, 119. ≺ Мемко - нямы.
  12. 112
    меншы
    грозны як перад меншым начальнікам. Гл. начальнік.
  13. 113
    мень
    непаваротлівы як [тэй] мень. Бран. Пра тоўстага, непаваротлівага чалавека. Расторгуев, 159. ≺ Мень - мянтуз, які летам маларухома жыве пад каменем, карчагамі.
    слізкі як мень, ніяк не ўтрымаць. Мін. Пра нешта аслізлае, нязручанае для трымання. ЛЦ, 74.
  14. 114
    мера
    як тры меры попелу. Чашн. Насмешл. Пра нешта нікчэмнае, што нават не бачна. КВДУ.
  15. 115
    мерэц
    плакаць як по мерцу. Стол. Пра вельмі моцны плач кагосьці. ТС 3, 76.
  16. 116
    месік
    блішчыць гылыва як месік. Мсцісл. Пра галаву лысага чалавека. Юрчанка 1993, 19.
    сіяць як месік. Мсцісл. Ухв. Пра вельмі задаволенага чалавека. Юрчанка, 190.
    мітусіцца як зоркі перад месікам. Гл. зорка.
  17. 117
    места/месца
    прыстаць як банны ліст да аднаго места. Гл. ліст.
    як бог y Адэсе, на цёплым месце. Гл. Бог.
  18. 118
    месці
    Пракос весці - не вуліцу месці. Гл. вуліца.
    завея як венікам мяце. Гл. венік.
  19. 119
    месяц
    блішчаць як месяц. Валож. Ухв. Пра нейкія блішчастыя прыгожыя рэчы. Высл., 287.
    брахаць як сабака на месяц. Гл. сабака.
    гаўкаць як сабака на месяц. Гл. сабака.
    грэць як месяц. Іран. Пра адсутнасць цяпла. Янк., Пар., 45.
    лысы - як месяц свеціць на галаве. Шчуч. Жарт. Пра лысага чалавека. СПЗБ 2, 697.
    паказацца як малады месяц. Навагр. Пра чалавека, якога чакалі, але ён прыйшоў на хвілінку (параўнанне з маладым месяцам, маладзіком, які, з'явіўшыся на гарызонце, хутка заходзіць). Federowski, 212, СЦБ, 230.
    чырвоненькі як месяц. Стаўб. Ухв. 1. Пра нешта прыемна чырванаватага блішчастага адцення. 2. Пра некага, нешта прыгожых. Мін.-Мал., 1970, 42; СЦБ, 105.
    як з месяца зваліцца. Пра нейчае нечаканае з'яўленне. БПФС, 127.
  20. 120
    месячык
    адзін як месячык у небе. Памянш. Спачув. Фальк. Пра адзінокага чалавека. Янк., 395; Санько, 70.
    Мачаха як месячык: свеціць ды не грэе. Памянш. Б.Каш. Прык. Пра адсутнасць шчырых, глыбокіх пачуццяў у няроднай маці. ПП 2, 84.
    харошы як месячык. Памянш. Ваўк. п. Ухв. Пра прыгожага маладога чалавека. Federowski, 50.
    ясны (чысты) як месячык. Памянш. Ваўк. п. Захапл. Пра ясны тварык дзіцяці. Federowski, 126, 71.

Паведаміць пра недакладнасьць