кароста
лезці як тая кароста. Асудж. Пра назойлівага, прыставучага чалавека. СЦБ, 237.
Любось як кароста: калі каросту болі дзярэш, дык ёна горы сьвярбіць. Лаг. Прык. Заўвага збіральніка: «Прыказваюць аб сабе тыя, хто ашукаліся ў каханьні». Варлыга 1966, 50.
прычапіцца/прыстаць як кароста. Няўхв. Пра нейчае настойлівае і такое непрыемнае прыставанне, чаплянне да каго-н. БПФС, 107; Янк., 423.
у гарелку как у каросту. Смал. Асудж. Пра крэпка схільнага да гарэлкі чалавека. Добровольский ІІІ, 44.
драцца як у каросце. Лаг. Асудж. Пра чалавека, які пастаянна чухаецца, цярэбіцца. Varłyha, 35.
часацца як у каросце. Слуцк. Асудж. Сержпутоўскі 1999, 74. Тое, што драцца як у каросце.

картопля
рот, хоць картоплю засыпай. Карэл. Насмешл. Пра нейчы шырокі рот. Высл., 379.
Пацеры не картопля - не акіснуць. Жарт. Пра магчымасць адкласці вымаўленне пацераў. Federowski, 207.

картоха
Вочы як картохі, а не бачаць ні трохі. Слуцк. Прык. Пра неадпаведнасць велічыні вачэй і зроку. Сержпутоўскі 1999, 80.

карты
Іншэ прожыве, ек у карты пройграе, а іншы - ек у остопку протопчэ. Стол. Прык. Пра розны лёс людзей. ТС 4, 229.

каруселі
як на каруселях. Мсцісл. Няўхв. Пра нейчыя неспакойныя паводзіны. Юрчанка, 191.

карцінка
Верачка як тарэлачка, тарэлачка як скрыпка, а Вера як карцінка. Гл. тарэлачка.
як карцінка. Мсцісл., Маладз. Ухв. Пра вельмі прыгожага, дагледжанага чалавека. Юрчанка, 186; Гілевіч 2007, 71.
як на карцінцы. Ухв. Пра добры парадак, лад, прыгожае абсталяванне. Янк., Пар., 184.

карчак, гл. таксама карчок
зрабіцца як карчак. Навагр. Спачув. Пра чалавека, што састарэў, стаў нязграбны, непрыгожы. СПЗБ 2, 426.

карчма
сэрца бы заезджая (заезная) карчма. Ваўк. п., Слуцк. Пра занадта адкрытага, даступнага, магчыма, і шчырага чалавека. Federowski, 273; Сержпутоўскі 134.
адчыніць горла як вароты ў заезднай карчме. Гл. вароты.
крык як у карчме. Ваўк. п. Няўхв. Пра вельмі шумныя паводзіны людзей. Federowski, 152.
крычаць як у карчме. Санько, 148. Тое ж.
бегчы як шавец да карчмы. Гл. шавец.

карчмар
запомніць як карчмар даўгі. Насмешл. Пра памятлівага, уважлівага чалавека. Янк., Пар., 68.

карчок
ляжаць адной у хаце як карчок. Памянш. Брасл. Спачув. Пра адзінокую, нямоглую, недагледжаную жанчыну. СПЗБ 2, 426.
худзенькі, старанькі як карчок. Памянш. Паст. Спачув. Пра старога, нямоглага, недагледжанага чалавека. СПЗБ 5, 332.

карчыжка
нага як корчижка. Смал. Няўхв. Пра хворую скручаную нагу. Добр., Смол., 347.

каршун
біць каго як каршун курыцу. Мін. Пра рашучы моцны напад на кагосьці. Высл., 285; ЛЦ, 23.
бяжыць як каршун ляціць. Бран. Няўхв. Пра хуткае перамяшчэнне з агрэсіўнымі намерамі. Расторгуев, 183.
наляцець/прыляцець як каршун. Івац., Паст. Няўхв. Пра рашучае, драпежнае з'яўленне каго-н. СПЗБ 3, 138; ЗЗайкі.
крычаць як на каршуна. Навагр. п. Пра гучны, настойлівы, рэзкі крык. Federowski, 138; Ройзензон, 72.
разбегчыся хто куды як кураняты ад ценю каршуна. Гл. куранё.

карыта
варочаць як свіння ў карыце. Гл. свіння.
задавацца як свіння ў карыце. Гл. свіння.
поркацца як лычом у карыце. Гл. лыч.
такая павага як свінні ў карыце. Гл. свіння.
цмокнуць бы свіння ў карыце. Гл. свіння.
доўбаць як гусь обмерзлэ корыто. Гл. гусь.

карытца
жыць як сабакі ў карытцы. Гл. сабака.

карэнне
цвёрда як на карэнні. Няўхв. Пра мулкую пасцелю, няроўнае пасланне. Янк., Пар., 186.

карэта
здацца (прыдацца, прыйціся; спрытны, такі спасобны, ловак, здатны, зграбны) як вол да карэты. Гл. вол.
На свеце як у карэце: едзеш і калышашся, пакуль не вывернешся. Прык. Пра розныя падзеі ў жыцці, якое заканчваецца адным сумным фіналам. Нос., 87.

каса
Голы як біч, а востры як каса. Рэч. Прык. Жарт. Пра збяднелага, але задзірыстага чалавека. Pietkiewicz, 370.
гостры як каса. Ваўк. п. Няўхв. Пра чалавека з вострым, задзірыстым характарам. Federowski, 113.
джыгацца як каса. Мсцісл. Пра апёкі крапівай. Юрчанка, 186.
трапіць як каса на камень. Стол. Пра сутыкненне двух моцных характараў. Высл., 400.
язык ходзіць як мянташка (мянта) па касе. Гл. мянташка.
грыбоў хоць касу закладай. Пух., Слуцк. Ухв. Пра вялікую колькасць грыбоў. Мін.-Мал., 1970, 159; Сержпутоўскі 1999, 79.
кідацца як жаба на касу. Гл. жаба.
крычаць як той дурань касу схаваўшы. Гл. дурань.
языком мянціць як касу чысціць. Няўхв. Пра балбатлівага чалавека. Ройзензон, 80.
чыста (роўна) як пасля касы. Глуск. Ухв. Пра прыбраную пляцоўку. Мат., 186.
дзеркач дзерэ як косу менціць: жах-жах! Стол. Пра спеў драча, падобны на гук вастрэння касы. ТС 2, 14.

касец
трэба каму што як касцу матыка. Мсцісл. Іран. Пра непатрэбную для пэўнай справы рэч. Юрчанка, 186.

касіць
грыбоў, хоць касіць. Слон. п., Івац. Ухв. Пра вялікую колькасць грыбоў. Federowski, 118; ЗЗайкі.
Любіць - не сена касіць. Гл. сена.

каснік
зажадацца як Гіны каснікоў. Гл. Гіна.