Каспар
даняць як Каспар сучку. Вілен. Жарт. Пра чалавека, які надта да кагосьці прычапіўся, назаляе. Sielicki, 158.

кастра
липнуть як кастра. Смал. Няўхв. Пра некага ці нешта ліпучае, прыставучае. Добр., Смол., 351.

кастыль
як з дугі кастыль. Гл. дуга.

касцёл
талака як у касцелі. Ваўк. п. Пра вялікі збор народу, цеснату ў памяшканні. Federowski, 310. ≺ Талака - тут: таўкатня.
як у касцелі [не раўнуючы] дзе. Мін. Ухв. Пра чысціню і прыгажосць у памяшканні. Высл., 432.
убіцца як Дзямян у касцёл. Гл. Дзямян.
убіцца як Янкель у касцёл. Гл. Янкель.
набожны як святога Юр'я конь: ён да касцёла, а ён да кабылы. Гл. Юр'е.
прыбрацца як да касцёла. Докш. Ухв. Пра добра, па-святочнаму апранутага чалавека. Высл., 369.
спяваць як дзяды пад касцёлам. Гл. дзед.

катарга
рабіць як на катарзе. Слон. Пра цяжкую працу не для сябе. Высл., 379.

катацца
як сыр у масле катацца. Гл. сыр.

катляр
чорны як катляр. Смал. Няўхв. Пра вельмі чорнага, нямытага чалавека. Высл., 419.

каток
хадзіць як крывэй каток. Мсцісл. Няўхв. Пра нейчую нязграбную хаду. Юрчанка, 188.
што як каток без загваздкі. Мсцісл. Няўхв. Пра нешта ненадзейнае. Юрчанка, 186.
як каток. Мсцісл. Пра шустрага, непаседлівага чалавека. Юрчанка, 186.

каточак
як коточек. Памянш.-ласк. Смал. п. Ухв. Пра малое дзіця. Добр., Смол., 353.

катух
дом як котух. Смал. Няўхв. Пра малы неакуратны дом. Добр., Смол., 353.

каўбаса
наесціся як доктар параных каўбас. Гл. доктар.
глядзець (пазіраць) як кот на каўбасу. Гл. кот.
губы бы каўбасы. Слон., Слуцк. Абразл. Пра чые-н. тоўстыя вусны. Сержпутоўскі 1998, 43; Высл., 309; ЛА, 24.
ласы як кот (поп, пан) на каўбасы. Гл. кот.
унадзіцца як кот у каўбасы. Гл. кот.
як у сабакі кілбаса на шыі. Гл. сабака.
што кот на кілбасы жмурыцца. Гл. кот.
вдэржыцьця як кувбаса на шыйі в субакы. Брэсц. Казалі, калі дзіця хутка зношвае адзенне. Скарбы, 106.

каўнер
лезці як вош на каўнер. Гл. вош.
ліць як за каўнер. Ваўк. п. Няўхв. Пра чалавека, які шмат і прагавіта п'е. Federowski, 166.
прыгрэцца як вош за каўняром. Гл. вош.
хто як асцюк [за каўняром]. Гл. асцюк.
як чэрці пад каўняром калдычуць. Гл. чорт.

каўнерык
Чужы роцік не каўнерык - яго не зашпіліш. Памянш. Гродз. Прык. Пра немагчымасць забараніць гаварыць іншым. Сцяшковіч, 615.

каўтнуць
забегчы як вады каўтнуць. Гл. вада.

каўтун
прыстаць як калтун да галавы. Воран. Раздраж. Пра дакучлівага чалавека, ад якога цяжка адчапіцца. СПЗБ 2, 380.
грыва ўсероўно як каўтун. Гродз. Няўхв. Пра зблытаную, збітую грыву ў каня. Цыхун, 72.

кацаўба
рукі як коцаўбы. Івац. Няўхв. Пра няспрытныя, няўмелыя рукі. ЗЗайкі. ≺ Кацаўба - таўкач.

кацёл
кіпець як у катле. Пра стан узбуджэння ў сям'і, грамадзе. Янк., 411.
мяшацца як у катле дзе. Ваўк. п. Federowski, 186. Тое ж.
серца ў каго як у катле кипить. Смал. Пра вельмі эмацыянальнага, пачуццёвага чалавека. 2. Пра стан узбуджанасці, хвалявання каго-н. Добр., Смол., 41.
парыць як у котле. Івац., Жытк. Пра надвор'е перад дажджом. ТС 4, 15; ЗЗайкі.
Галава бы кацёл, а вума няма. Слуцк. Прык. Насмешл. Пра чалавека, які неразумна сябе паводзіць. Сержпутоўскі 1999, 60.
галава як піўны кацёл. Няўхв. Пра нейчую вялікую галаву. БПФС, 107.
голая як кацёл. В.Дзв. Насмешл. Пра лысую галаву. ЗВалодзінай.
пазбыткавацца як кацёл з гаршка. Слон. Іран. Пра жарты аднаго чалавека з другога, калі яны абодва роўныя. Высл., 359. ≺ Пазбыткаваць - пасмяяцца. Параўн.: Смяяўся кацёл з гаршка, што ён чорны, але абодва яны роўны.
ускочыць куды як у гарачый кацёл. Мсцісл. Няўхв. Пра неабдуманае ўмяшанне ў небяспечную справу. Юрчанка, 200.

кацёлка
пакаціцца як кацёлка. Бар. Пра хуткае аддаленне кагосьці. СПЗБ 2, 442.

каціцца
дарога, хоць бокам каціся. Гл. бокам.

кацялок
прыйшлося як меднаму кацялку. Маст. Пра нейкае значнае пакаранне, цяжкі абавязак. Даніловіч, 234.